ABŞ-da hazırlanmış “2wai” adlı innovativ tətbiq süni intellektin imkanlarını fərqli və bir qədər də emosional sahədə təqdim edir. Bu texnologiya sayəsində istifadəçilər dünyasını dəyişmiş yaxınlarının rəqəmsal avatarlarını yarada və onlarla real vaxtda “söhbət” edə bilirlər.
Tətbiq, istifadəçinin təqdim etdiyi məlumatlar əsasında gerçək və ya uydurma bir şəxsiyyətin süni intellektlə işləyən çat-bot versiyasını formalaşdırır. Nəticədə yaranan avatarla canlı dialoq aparmaq mümkündür.
Tətbiqin tanıtım videosunda hamilə bir qadın rəhmətə getmiş anasının virtual surəti ilə danışır. Daha sonra dünyaya gələn övladı da “nənəsi” ilə söhbət etməyə başlayır.
Bu texnologiya etik suallar doğursa da, insanlara emosional bağlarını qorumaq üçün fərqli bir yol təqdim edir.
Dərc edildi:
16.11.2025
